Մեր մասին

Դարավանդ հյուրատունը տեղակայված է Դիլիջանում` Ջուխտակներ եկեղեցու ճանապարհին:

Հենց մուտքից յուրաքանչյուրի համար պարզ է դառնում, որ այս հյուրատունը պատահական անցորդների հանգրվան չէ: Այստեղ մի տեսակ ամեն ինչ այլ է: Դու գալիս ես, բարևում սեփականատերերին, ինչպես, ասենք` հարզատներիդ, թիկնում նախընտրածդ անկյունում, իսկ քիչ անց, մոռացած ճանապարհին ունեցած գլխացավդ և հոգնածությունդ, վազում բակ` բուխարու համար փայտ բերելու...

ՙԴարավանդի՚ յուրահատկություն նրանում է, որ ամբողջ հյուրատունը կառուցված է փայտից, ուր գերիշխում են հնաոճ իրերն ու փայտից պատրաստված ամենատարբեր աքսեսուարները: Այստեղ ամեն ինչ այնքան ներդաշնակ է, որ աչքդ չես կարողանում կտրել ո’չ բուխարին շրջապատող եղջյուրներից, ո’չ հնաոճ դանակներից ու թրերից, ո’չ անցյալ մի քանի դարերին տանտիրուհիներին այդքան ահրաժեշտ սխտոր ծեծելու համար նախատեսված հատուկ երկաթյան տարաներից...